Sunday, August 19, 2018
Wardheer News
  • Featured
  • Slideshow
  • Warar

Guddoomiye Jawaari oo Iscasilay

Muqdisho, Guddoomiyihii Golaha Shacabka Dawladda F. Soomaaliya Md. Maxamed Sheekh Cusmaan Jawaari oo toddobaadadii ugu dambeeyay xubno ka mid baarlamaanka iyo qaybta fulinta oo uu ku jiro madaxweyne Farmaajo ay cadaadis ku saarayeen in uu xilka iska casilo ayaa lagu soo waramayaa in uu xilka ka degay.

Inkastoo aanu weli Jawaari ka hadal iscasilaaddiisa haddana warqad la sheegay in uu qoray guddoomiye Jawaari oo saaka uu guddoomiye ku xigeenka 1aad ee golaha Shacabku u akhriyay xildhibaanno ku kulmay Golaha Shacabka ayaa arrintaas lagu sheegay.

Md. Jawaari oo maalmihii ugu dambeeyay ku adkaysanayay in aanu xilka ka degi doonin ilaa inta ay codka u qaadayaan xildhibaannadu ayaan si rasmi ah loo ogayn waxa xilligan soo dedejiyay is casilaaddiisa.

Madaxweyne Maxamed Cabddullaahi Farmaajo iyo Md. Jawaari oo la sheegay in maalintii shalay uu wadahadal ku dhexmaray xarrunta Madaxtooyada ayaa la tuhmayaa in ay kulankaas ku gaadheen go’aanka iscasillaada Md. Maxamed Sh. Cusmaan Jawaari inkastoo aan wax war ah laga soosaarin kulankaas.

Ololaha gulufkii xilka lagaga tuurayay Md. Jawaari oo laga soo abaabulayay madaxtooyada ayaa hadda u muuqda mid lagu guulaystay. Villa Soomaaliya oo dadaal ugu jirtay in baarlamaanku uu noqdo mid awaamiirtooda ku shaqeeya ayaa hadda diiradda saaraysa ciddii buuxin lahayd xilka uu Jawaari banneeyay.

si kastaba ha ahaatee maalmaha soo socda ayaa lal ogaan doonaa sababta keentay sida dhakhsaha ah ee uu Jawaari isku casilay iyo cidda ay la damacsanatay madaxtooyadu xilka guuddomiyaha cusub ee Golaha Shacabka.

WardheerNews, Muqdisho.


We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.

WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.

WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.

Copyright © 2018 WardheerNews, All rights reserved

Leave a Reply

You must be logged in to post a comment.