Thursday, March 28, 2024
Wardheer News
  • Camels and Poets
  • Maqaallo
  • Opinion
  • Slideshow

SAHWI LAGUMA RIDO QOOM ILAA AY SAXA KALEEXDAANE

Abwaan Haybe Axmed Yuusuf

1: Saadaasha gabay maalintaan, saxa u luuqeeyo
2: Ee aan salaamada ubaxo, samay laroorkeeda
3: Masakalo,e waa inan sugaa, sadaradeediiye
4: Salka aan udhigo oo murtida, siinka ka higaadsho
5:Seben hore wixii soo jiriyo, saaka waxa jooga
6: Soomaalinimadaan rabaa, inan sifeeyaaye

7:Sabciin sano horteed iyo wixii, saxafi ii sheegay
8: Siinleyda maansooyinkiyo, saxa intii sheega
9: Sifuhuu lahaa dhaqan ayaan, soo sawirayaaye
10: Sebigiyo caruurtaan rabaa, inay sariigtaane
11: Siciimoow Allahayow arladu, wayna sidataaye
12: Sahwi laguma rido qoom ilaa,ay, saxa ka leexdaane

13: Sababtana ninragi waa yaqaan, saad u eegtaba,e
14: Sakaraadka  geeridu ka daran, suurka qaylada,e
15: Noloshuna saqaafkeedi hore, seben hadaad raacdo
16: Sinsintiyo markii subaga iyo, seenyo lala’ joogey
17: Sidkaa dhalay markii geela iyo, saca lamaalaayey
18: Sange gaado weyn iyo markuu, sabada noo joogey

19: Dhalin wada siyaaxdaa markay, sabarka boodaysey
20: Salalaadiin cugaal iyo markii, saanta lagu jiifey
21: Sinta bidix hablii laafyahiyo, sabac garaacaayey
22: Sifihii dhabta ahaa markii noloshu, sees joogtey
23: Sadex guulka dhaanka ah markii, loogu soconaayey
24 :Sawirkiyo markaynaan aqoon, saancadkiyo beenta

25: Salkii noloshu saasuu ahaa, seben horaadkiiye
26: Imikana sifaha xaalku waa, saydhka dhiilada,e
27: Seediga maryaha laga furtaa,salaqla yeedhaane
28: Sodogiyo sodohihii ladhaaf,seben xumaadkiiye
29: Sebigiyo caruurtii ciraa, suuradooda,ahe
30: Dhalintii tahriibay badaha, sibiq dhaqaaqeene

31: tahriib_somalis_Suudaantan dhowbay xaryii, uga samaysteene
32: Siligbay ku meersheen hablihi, soomanaan jiraye
33: Saxaraha badhbay kaga tageen, siiga boodh badane
34: Saxariirka liibiya ka helay, waa lasoconaaye
35: Sidii adhi sekadi laga baxshoo, subax laqiimeeyey
36: Ama seylad xoolaha latubay, sixirna looyeelay

37; Seelaa xabsiga loo dhigaayoo, saantu gubataaye
38: Sodonkii ka hadha yay hadana, wada siyaartaane
39: Iyagoo sibraar badhaxna wadan, saadki gurigooda
40; Saf saf bay ku saaraan qabaal soona loo dhigay
41: Sandulay ku fuulaan, iyagoo sooma jeesta,ahe
42: Saxankaa wareegaystabaa, lagu saqaafaaye

43: iyagoo sagaal qaday marbuu,dibula saydhmaaye
44: Mara seylad yurubuu galaa, saalax weeta,ahe
45: Saciimoom alahayow arladu, wayna sidataaye
46; Noo samafal eebow khalqigu, kala sed weeyaane
47: Allahayow sandaladaa nin gala,seegitaan malahe
48: Siqiir iyo kabiir waa inaan, wada sujuudnaaye

49: Salkacbaa ku dhacay reerihii,saanyanaan jiraye
50: Salka noo dhig eeboow adaan, kuu siciim nahaye
51: Samahaagu waa guul ninkii,saxa u qaataaye
52: Sugitaanka adigaa khalqiga,geliya suugaane
53: Adigaan siqiir iyo kabiir,suga arwaaxdoode
54: Adigaa sargooyada iskale,sahal amuuroowe

55: Qofkii aanad saacidin majiro,seeb u baxayaaye
56: Noo sahal amuuraha adaa, saayiraad badane

W/T Abwaan Haybe Axmed Yuusuf
Email:[email protected]

 


We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.

WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.

WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.

Copyright © 2024 WardheerNews, All rights reserved

Leave a Reply

You must be logged in to post a comment.