Kismaayo (WDN)- Shir looga hadlayay sidii loo horumarin lahaa adeegyada dhinacyada korontada iyo Biyaha ayaa lagu qabtay magaalada Kismayo. Kaasi oo ay ka qeybgaleen hawlwadeennada wasaaradda Macdanta, Tamarta iyo Biyaha ee Jubbaland, mas’uuliyiin ka socotay dowladda Sweden iyo hay’adda Unicef.
Wasiirka wasaaradda Macdanta, amarta iyo Biyaha Md Maxamed Sheekh Yuusuf Cumar oo shir gudoominayay, ayaa goobta ka aqriyay warbixin ku saabsan baahiyaha dhinacyada biyaha iyo korontada ee ka jira Kismaayo, isagoo ka codsaday masuuliyiintii ka socotay Sweden iyo hay’adda Unicef in ay gacan ka geystaan sidii loo horumarin lahaa adeegyadaasi.
Masuuliyiintii ka socotay hay’adda UNICEF iyo wafdigii ka socday Dowladda Sweden ee kulan ka qeybgalay, ayaa sheegay in ay ka qeybqaadan doonaan sidii loo dabooli lahaa baahiyaha bulshada, gaar ahaan dhinacyada biyaha iyo korontada.
Kulanka markii uu soo idlaaday ayaa waxaa warbaahinta uga warbixiyay Wasiirka Wasaaradda Macdanta, Tamarta iyo Biyaha ee Jubbaland Md. Maxamed Sheekh Yuusuf, isagoo sheegay in madaxda ay isku afgarteen arimihii ay ka wada hadleen, iyo sdii loo dabooli lahaa baahiyah jira ee dhinaca biyaha iyo korontada
Foos Cali Cabdiraxmaan
WardheerNews, Kismaayo
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
