Saturday, August 19, 2017
Wardheer News
  • Maqaallo
  • Slideshow

Quudhsigan Gurracan (Maanso)

W.T. Abwaan Maxamed Hirad

Haddaan gabayo tiriyoo
Guubaabo mariyoo
Xaqa iyo garsoor dhaho,
Ma galeyso waanadu
Dadka goortan joogaa
Ma garowsanaayaan

Goor fog oon la garanayn,
Gacaalkood kuwii gabay
Gooni ugu faquuqaye
Guurkooda diidaye
Xaajadaa go’aansaday
Gar ilaah ma naqahayn

Gaalo dhabna ma ahayn
Muslim guudna ma ahayn
Shaydaamaa gefkaa dhigay,
Ibliisna wow gunaanaday
Illaa gortan manta ahna
Soomaalidu daba gucleeyaan

Raggaa godobtan laga galo
Hadday goosan waayaan
Rabbi baa u gargaara ahoo
Goor ay ahaataba
Gabdhahoodan quruxda leh
Gabbaatigoodu boqol noqon (halaad)

Khalad laga gabbanayaa
Geesiyaal ku qayshaanoo
Bulshaduna u guuxdaa
Garta Eebbe raacaanoo
Gacmaha lays qabsadayoo,
Guul lagu midoobaa

Gabagabada hadalkii,
Gurracnaanta dhaqankaa
Qof kastaaba gaarkiis,
Waa garowsadaayoo
In lagooyo jecelyahayoo,
Dadku wada gudboonyahay

Haddii shacabku gaylamo,
Guxuushaa sidayda ah iyo
Gadhmadoobe iyo wiil
Gambooleyda dumarka ah
Maalin wada gadoodaan,
Gumaystiiba erinaye
Quudhsiguna waa go’i

W.T. Abwaan Maxamed Hirad
Email: xagar2030@gmail.com


We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.

WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.

WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.

Copyright © 2017 WardheerNews, All rights reserved