Nayroobi, Wasiirka Maaliyadda Xukuumadda Federaalka Soomaaliya Md. Maxamed Aden Farketi ayaa magalaada Nayroobi kula saxiixday Bangiga Aduunka heshiis muddo shan sano ah soconayo oo ay ku baxeyso lacag dhan 144 milyan oo doolar,,taasi oo lagu bixin doono mushaaraadka shaqaalaha dowladda dhexe iyo maamul goboleedyada dalka ka jira.
Heshiiskan ayaa waxaa dowladda Soomaaliya u saxiixay wasiirka maaliyadda Maxamed Aadan Ibraahim (Fargeeti), iyadoo dhanka Bangiga aduunkana ay u saxiixday Mss Bella Bird oo bangiga adduunka u qaabilsan Soomaaliya.
Saxiixa heshiiskan ayaa waxaa sidoo kale goob-joog ka ahaa wasiirka maaliyadda ee mamulka Puntland, wasiirka maaliyadda Jubbaland iyo wasiirrada Maaliyadda Galmudug iyo Koonfur Galbeed Soomaaliya.
Heshiiskan ayaa waxaa sidoo kale dhankooda ka saxiixay qaar ka mid ah waddamada deeq bixiyaasha ah ee lacagtan bixiyay oo ay ka mid ahaayeen Midowga yurub iyo dowlada talyaaniga, waxaana dhanka dowladda talyaaniga u saxiixay safiirka Talyaaniga u qaabilsan Soomaaliya Fabrizio Marcelli,halka midowga yurubna ay saxiixday Mss Daria Fane.
Wasiirka Maaliyadda ee xukuumadda Soomaaliya Maxamed Aadan Ibraahim (Fargeeti) ayaa kadib saxiixa heshiiska u sheegay warbaahinta in mashruucan oo ay ku kaceyso lacag dhan 144 milyan oo doolar uu yahay wajigii labaad oo ay dowladda Soomaaliya la saxiixato Bangiga Aduunka.
Wasiir Fargeeti ayaa intaasi ku daray in dowladda Soomaaliya iyo maamul goboleedyadaba ay si wanaagsan u maamuli doonaan lacagtan oo aysan mari doonin meel aan ahayn halkii loogu tala galay.
Bangiga aduunka iyo waddamada deeq bixiyaasha ayaa sanadihii ugu danbeeyay dhinacyo badan ka taageerayay dowladda Soomaaliya, oo ay ka mid tahay dib u habaynta maamulka maaliyadda iyo dib u dhiska kaabayaasha dhaqaalaha dalka.
Axmed Farax
We welcome the submission of all articles for possible publication on WardheerNews.com. WardheerNews will only consider articles sent exclusively. Please email your article today . Opinions expressed in this article are those of the author and do not necessarily reflect the views of WardheerNews.
WardheerNew’s tolerance platform is engaging with diversity of opinion, political ideology and self-expression. Tolerance is a necessary ingredient for creativity and civility.Tolerance fuels tenacity and audacity.
WardheerNews waxay tixgelin gaara siinaysaa maqaaladaha sida gaarka ah loogu soo diro ee aan lagu daabicin goobo kale. Maqaalkani wuxuu ka turjumayaa aragtida Qoraaga loomana fasiran karo tan WardheerNews.
Copyright © 2024 WardheerNews, All rights reserved
